1.12
Cikni versia katar e Thesis pala e Angluni Historija e Romengi
   


Kana amen chi maras amare predzudicii, e predzudicii maren amen.

 

 

 

 



 Maj anglal si te phenas ke e Roma chi sas numa von jekh omogeno grupa savi sas tela e zor katar o Mahmoud de Ghazna. Ingianrenas e manushen regularno vrama 15e bershenge, thaj ingiarenas po 50.000 manusha po jekh var.
Amen si te phenas vi ke e katani kerde anda sklavuri traisajle thaj sas ferikaj ande thema katar von avenas.

Varesave Romenge grupi ashile ando Pakistan, Afghanistan, Iran thaj India. Averen sas len shajpe te nashen anda e Imperecii save phagionas thaj te dzan pasha e k-aver vaj te aven inkiarde sar sklavuri.
E Imperecii ande save e roma arakhle jekh than pala e Ghaznadianuri sas e:

1.    Mamelukuri
2.    Rum-Seldchukuri
3.    e sklavenge dinastii
4.    Osmanoski imperecija
5.    e Gahazna dinastia

E maj bari grupa arakhlas refugio thaj asimilacija ande Imperecija katar e Rum-Seldchukuri, savi maj palal sas integrujme ande Otomansko Imperecija, kade sar sas vi e Mamelukuri thaj e Czresam.

E regionoski historiografia chi arakhlas than e Romenge. Kado naj amenge jekh baro surprize, soske e historija sas intrego vrama skriime katar kodola save nerisarde ande marimata, thaj e Roma shoha chi nerisarde ande marimata, von sas numa jekh instrumento kodolenge save nerisarde maj but.  K-aver problemo si kodo ke but arhivi save phenen pa Roma shaj hasajle kana sas e marimata ando regiono. Kado shaj komparil pes kodolesa kana hasajle el historichno lila ando maripe anda Irako ando 2003to bersh.