|
| |
|
|
|
 Indo
- Grek-uri
 |
| |
|
|
Indo - Grek-uri
|
E Indo-Grekicka relacii
dikhen pala e 4000 phangle historijake bersha.
Ando Afghanistan, Pakistan thaj Nord India, uni Grekicka isolime
Imperecii dzangle te trajn maj dur pala 200 bersh pala so o Aleksandro
o Baro las len. But foruri save sas vazde katar o Aleksandro o Baro,
inkiarde e Grekicko chib thaj o komerco e Europasa dzuvindo vi pala so
xasarde e Asia. E Imperecii e muslimonge thaj e indianonge profitisarde
anda kado. Maj but sar 40 Grekicka Imperaturi sas e sherutne kadale
regionosko dzi kana e Baktrik Dinsatii sas line ando 130to bersh A.C.
Ando 143to bersh A.C., e Grekicko Imperecija ande Europa plastar thaj
sas integrujme ande Romani Imperecija. Ando 330to bersh AD Byzantium
(thaj maj palal sas Konstantinopol thaj Instanbul) areslo o centralno
foro e Imperecijako.
E Grekicka chib, e purani Grekicka, achili skriime thaj vorbime kaj
godi. E Grekicko chib sas ando Romano, Byzantino thaj Otomano
Imperecija sar si ages e Anglezicko chib, sas jekh internationalno chib
thaj kade o trans-nacionalno komerco dzalas. Vi kana e Otoman
Imperecija sherujlas, e Grekicko chib achilas sar jekh importanto
ingrediento ande linguistiko diversiteto ando regiono, thaj sas
parcialno importanto anda e identifikacija e religiaki, etniaki, vaj
sar jekh ekspresija e edukacijaki thaj statusoski.
Bactria (ages Nord Afghanistan) kerdas stabilizacija ando regiono, thaj
vazdas thaj kerdas sigurno o but prindzardo Drom e Kedzako, maj but sar
1000 km lungo “baro drom e komercosko” mashkar Asia thaj
Europa.
E komercialno chib ando regiono achili e Grekicko chib, thaj kodo del
amen eksplikacija e linguistichno pofide/aluzii ande Romani chib.
.
|
|
|
 |
