E “Egipteanuri” Mamelukuri

D-anda 9to shelbersh, e Mamelukuri lenas sama pe Sherutne e Islamoske, thaj maj buti var Turchicka vaj Tcherkesiska sklavuri. Ando Egipto, e Mamelukuri lile e zor mashkar 1250to thaj 1517to bersh: kontra o palalutno Ajubide Turan Shah andas o Aibek (1250-1257) ke zor, zor savi vov xuladas lan e dzuvlasa sultano Schadscharat Ad Durr. Baibars (1260-1277) maj palal sas pasha e Mongoluri ando 1260to thaj 1277to bersh. Kalawun (1279-1290) shudas  e krusadon avri anda Palestina.

E thana kaj sas prahome e sultanuri e Mamelukonge thaj o Sultan-Hassan-Mosque (Nassir Hassan 1347-1261) ando Kairo si but prindzarde arhitekturalno monumenturi.  O them e Mamelukongo, kodo si Egypt thaj Siria thaj Palestina, sas tela e zor e Turkengo Ottomanuri ando 1517to bersh, tela e Turkicko zor e Mamelukuri kerde administracija ando Egypto dzi ando 1811to bersh.

Varesave Roma shaj sas anda e Mamelukonge manusha, thaj kade shaj sikavel pes soske historichno phenel pes ke e Rom aven anda Egipt. Sa jekh, shaj inke te phenel pes ke maj but anda Roma gele pashe ke Imperecija katar o Rum-Seldchukuri. Kado phenel pes ando kodo ke but influenci si ande chib thaj o paruvimo katar i vorba savi phenel kon von si “Dom” ke “Rom”. (dikh sa kade 2.)

Kodo ke phenel pes ke jekh rig anda e Roma si katar e Mamelukongo them, phenel pes pala kodo ke ande raporturi anda Europa phenel pes pala e kale manusha save phenen peske Egipteanuri. Historichno, o puchipe si kana kadala raporturi vorbin pa Roma vaj pa Mamelukuri. O chachipe shaj si mashkaral, soske e Roma thaj vi e Mamelukuri phirde anda Europa ande kodi vrama kana e  raporturi sas kerde (dikh sa kade 7.5) thaj vi kana e Roma sas tela e protekcija e Mamelukongi ande jkhe them savo shaj phenel pes pa leste ke sas jekh sklavongo them.