|
E Sklavengo bikinipe ande
Asia thaj Zumajmata te hastran
|
E metoda te len e
sklavon ande katana thaj policija sas aba ando 19to shel bersh. Von
kamenas maj but te aven len sklavuri kaj keren kasavi buti anda kodo ke
e araburi chi kamenas te keren von kasavi buti kontra e manushengi.
Kadi metoda areslas te avel praktikime anda kodo ke ande kodi vrama e
themenge sistemuri sas maj stabilno kade sar te avel te adzukeren e
manushendar te len sama pe lende. E sklavon sas maj lokhes te
kontrolujs, sas dependenturi thaj shunenas e maj barendar.
E katani katar o Mahmoud de Ghazna sas maj but anda sklavonde kerde. Ke
kodi vrama kodo sas totalno legalno. Te kinen thaj bikinen sklavon sas
jekh rig anda societatea ande kodi vrama.
O drom karing e sklavia sas jekh normalno buti. O manush shaj avelas
direktno lino vaj kindo/bikindo.
Butivar, bare oficeruri sas “sklavuri”, thaj vi kana kado
anav sikavel feri anda savi familia von avenas. Jekh rig anda sistemo
sas vi ka e sklavuri te keren buti ande birokracija. Varesave sas vi
barearde taj adukme te bare barea. Kade, uni sklavuri aresle te keren
buti pashe pasha o sherutno (denas sfato).
E Sinturi line o angluno shajpe te hastran karing o Vesto, sostar ando
Esto sas inke sklavia thaj shaj prindzarenas len kothe. Kade, so
ashilas lenge sas o biprindzardo Vesto.
|
|
