|
| |
|
|
|
 O Roma thaj o Hamburgo  |
| |
|
|
|
Chi dzanel pes
eksaktno kana e anglune Sinti avile ando Hamburg, ale avile kade ando
15to shel bersh. Katar kadi vrama, dzanel pes ke sas ande Nord
Niamcoske foruria, sar o Lübeck. E Roma avile ande foruri na
maj anglal sar o 19to shel bersh. Kana e industrializacija avilas, maj
but anda lende sas len shajpe te arakhen buki thaj khera ande
riga e bare foronge. E familii save avile ando Niamco duj trin
generacii maj angle kana hastrajle anda sklavija ande Est Europa,
zumade te ashaven pes. Vi kana dzanelas pes ke e bare foron
trebulas len manusha save te keren buki, kodo ke e Roma avile ko
Hamburg na misto sas dikhlo thja palem restrikcii das pes lenge.
Ando 1890to bersh, o foro das avri jekh zakono, pala savo “savako
Roma saves nas len nimaciska lila” chi sas mukhlo te avel ando
foro. Pala e themeske Rom, ando 1891to bersh, o Hamburgo las pes pala
aver foruria thaj chi delas len bukiake lila, thaj bi lodole lilengo
chi bririnas te len normalno buki. Vi kana chi maj denas svakoneske
lila ke shaj te phiren ka te keren buki, le raj pakianas ke kade e Roma
thaj e Sinturi dzana peske avri anda foro. Feri cira anda lende kerde
kade, soske vi ande k-aver foruria sas kasave restrikcii karing e
Roma. Kodo ke zumavenas te shuden avri e Romen thaj e Sinton avri
anda foruria ingiardas ko phagerimos thaj chiorardas len. Maj but anda
lende kerenas cikne bukia vaj trajnas anda socilano dzutipe.
|
|
|
 |
