2.5.1
1417 - 1526
   





1417-1423  O Thagar Sigismund e Ungrosko del avri ko Spis Kastelo kasave zakonuri ke sar te phiraven pes e Roma save phiren.

1427. Shela Romenge aresle ke vudara e Parisoske. O foro bichalel len, ande maj cira sar jekh bersh, ando foro Pontoise.

1445. O Princo Vlad Dracul anda Valahia anel 12.000 manusha “save dichionas sar “Egyptianuri” d-anda Bulgaria te keren buki sar sklavuri.

1471. E anglune zakonuri kontra e Romenge si nakhade ande Lucerne, Svaizo.

1471.    O Duke Friedrich katar Rhine Palatinate mangel peske manushendar te dzutin e Romen.

1476    thaj 1487. O Thagar Mathias e Slovakiako  del avri kasave zakonuri ke sar te     

            phiraven pes e Roma save phiren.

1482. Ando Brandenburg si nakhade e anglune zakonuri kontra e Romenge.

1492 thaj 1496. O Thagar Vladislav e Slovakiako del avri kasave zakonuri ke sar te     
         phiraven pes e Roma save phiren.

1492. Ande Spania si nakhade e anglune zakonuri kontra e Romenge.

1493. E Roma si shudine avri anda Milano.

1496-1498. O Reichstag (parlamento) ando Lindau thaj Freiburg phenel pa Roma ke si kontra e themenge save si kristianuri, si spionuri e Turkonge thaj ke anen e nasfalimata.

1498. Shtar Roma dzan pasha o Christopher Columbus ande lesko trito drom sar vov tradelas ke Nevi Luma

1500. Anda kodo ke o Maximilian I manglas, o Parlamento anda Augsburg phenel ke e Roma si kontra e  Kristianenge thema, thaj phenen ke e Roma si drabaren, choren chavoren thaj choren.

c. 1500 Ande Spania, e Giatnuri astaren te influencin e Flamenco gilia thaj khelimata anda Andaluzija. Vi kana o Flamenco naj Romano/Gitansko, maj palal, ando 19to shel bersh,  pa flamenco astarel te phenel pes ke si Romano/Gitansko.

1501. E Roma di registrujme ande Rusia.

1504. O Louis XII chi mukel e Romen te beshen ande Franca. Kana satrel len hudel len avri anda them.

1505. E Roma si registrujme ande Skocija, thaj shaj anda Spania avenas.

1510. O Baro Konsilo e Francako chi mukel e Romen te beshen ando them. Kana astarel len, chudel eln avri anda them. Dujto var kana astarel len mudarel len/umblavel len.

1512. E Roma si angluna var registujme ando Svedo ando 29to Septembro. Jekh kompania 30 familiengi, sherutni katar o “Konto Anthonius” aresel ando Stockholm, thaj phenenas ke von aven anda Cikno Egypto. O foro shukar anavel len thaj del len thana kaj te beshen thaj love. Pala jekh vrama, o Thagar Gustav Vasa (1521-1560), gindil ke e Roma si spionuri thaj del ordino te aven chudine avri anda them.

E Roma si chudine avri anda Katalonia.

1523. E Praga mukel oficilane e nimadon te beshen ando them. Kado chi dzal aba but vrama.

1525. O Charles V, ando Holando, del avri zakono ke sa e manusha save anaven pes “Egyptianuri” te dzan avri anda them ande duj ges.

1526. E anglune zakonuri kotra e Romenge si nakhade ando Holando thaj Portugalo.