1921. E nevi Czechoslovak Republika prindzarel e Romen sar jekh separime “ nacionaliteto”. Kadi legislacija si maj palal parubdi.

1922. Ando Baden, mangel pes lila fotosa thaj najenca katar sa e Roma.

1923. Ande Bulgaria, astarel te ramol pes o Romano dzurnalo Istiqbal.

1924. Ande Slovakia, zumavel pes jekhe Romane grupasa te dikhen kana si kanibaluri. Arakhel avri ke naj doshale.

1925. Vazdel pes e “Asociacija katar e Rusicka Romane Skriitora”, thaj pala kodo supresime.

Kerel pes jekh konferinca pala Roma, thaj kothe e Bavaria proposil jekh zakono ke te ashaven anda phiripe e Romen thaj e Sinton, thaj te bichalen ando phandajpe kodolen save chi keren regularno buki (phenen arbeitscheu  - ladzan e bukiatar) te keren buki pe kampuri duj bersha, anda kodo ke te inkiaren e manushengo sekuriteto. Kado si savore Romenge: save phiren vaj na.

1926. E Svaicarsko Fondacia Pro Juventute, astaren te len e shavoren katar peske dada bi te pushen len kan kamen kodo, te paruven lenge anava thaj te bishalen len ke le chorenge khera. kado ürogramo dzal dzi ando 1973to bersh, thaj chi phenel pes avreal so sas adzi ando 1980to bersh. O Shvaico manglas peske jertachija katar e Roma, ale chi mukel len te dikhen e lila kaj registrujsarde e chavoren save lile lendar.

Ando 16to Juli, o Bavaricko “Zakono kontra e Romeno, Vagabondengo thaj kolengo save chi kamen te keren buki”, savo sas propozime ando 1925to bersh si akceptujme. Ando legislativo ansamblo phenel pes: [e Roma] si pala lengi natura kontra e svakone bukiake, thaj si lenge but phares te ashaven pesko nomadicko trajo; anda kodo, khanchi chi dukhavel len maj but sar te te na maj muken len te phiren thaj pashe vi te keren zoarsa buki.” Pala zakono, sa e Roma thaj Sinturi sas te aven registrujme vi te phirenas vaj na, ke policija, ko registracijako ofiso thaj ke agencija e manuishenge bibukiako ande svako distrikto. O Bavaricko Themesko Konsilieri, o Hermann Reich, mangel te anel jekh zakono pala Roma. Kado zakono del e haladen e zor te te dzan maj dur ande akcia anda kodo ke te anen o sekuriteto e nacijako.”

1927. O Steve Kslov vazdel e Romengi “Asociaija Lole Gada” ande America; o Karlov resel pes e Amrikane Presidentosa Franklin Roosevelt te mangel dzutipe pala e Romenge Chachimata.

Ande Czechoslovakia, o zakono no. 117 chi mukel e Romen te phiren. Keren pes Romane lila. E chavore maj terne sar deshushtare bershenge si lile katar lenge familii thaj chutine ande e chavorenge khera vaj ke gdazenge familii.

R.L. Turner sikavel ke e phonetiki anda Romani chib si phangle katar e Hindi chib anda India.

Ando 3to Novembre, del pes jekh Ministerialno decreto ande Prusia ande savo mangelas pes ka sa e Roma te aven registrujme, te keren pes lenge lila, foto pashe thaj naja. E chavorenge si te len e naja, thaj kodola maj phure sar shove bershenge  si te phiraven pesa e lila ande save si lenge foti thaj lenge naja. Mashkar Novembre 23 thaj 26,  e poliija phiren mashkar e Romane komuniteturi ande intrego Prusia te shaj keren e buki pala o decreto d-anda 3to Novembre. Anda kado sa, ohto mii Roma si registrujme.

E Bavaria del avri zakono pala savo chi mukenas e Romen thaj e Sinton te phiren ande familiare grupi vaj te avel len pushki. Kodola save si maj phure sar deshushove bershenge si te dzan ando phanglipe te keren buki pe kampuri, thaj kodola save chi birin te sikaven ke arakhdile kothe si shudine avri anda them.

O dzurnalo “Romani Zorya” , kerel pes ande Rusia thaj astarel te publikil ando 1929to bersh.

1928. Ande Bavaria, si akceptujme jekh ordinanza pala savi sa e Roma thaj Sinturi sas te aven permanento tela e kontrola e haladengi. Ando Majo, sa kodo zakono si inke jekh var akceptujme. Kado akto si kontra e Konstitucijaki katar o Weimar.

O Professori Hans F. Günther ramol ke “ E Roma ande strejno rat ande Europa”.

1929. Ando 3to Aprilo, pala zakono anda 1926to bersh, kodo so kerelas o biuro anda Munich si te kerel intrigo Niamco; O Niamcisko Kriminalno Piliciaki Komisia paruvel pesko anav ando Centralno Ofisoanda o Marimo kontra e Romenge ando Niamco.  Ando 16to thaj 17to Aprilo, phenel savore policiake departamentonge te bichalen dati pala Roma (naja, foti) vi ke lengo ofiso thaj vi ko maj baro buro katar Interpol ande Viena. Kerindos buki chetane, kerde zor pe Roma te na phiren bi lilengo thaj kana phirenas bi lilengo, e maj phureder sar dehushove bershenge  sas te dzan ko phandajmos duj bersh thaj te keren buti zorasa.

Ande Rusia, o Nikolaj Pankov ramol o lil Buti i Dzinaiben.

1930. O Michael Kwieck II aresel te avel pala pesko dad o Thagar e Romeno ande Polska thaj si prindzrado katar o Polchicko Governo.

Ande Rusia ramol pes e angluni var o Nevo Drom.

O Norvegiano dzurnalisto Scharfenberg rekomandil ka sa e Roma te aven sterilizime.

1931. Ande Moskova, vazdel pes o Romano Teatro sar esperimento, ale vi ages eksistujl.