1526. E anglune zakonuri kotra e Romenge si nakhade ando Holando thaj Portugalo.

1530. O angluno zakono savo chudelas e Romen avri anda England si nakhado. O henry VIII chi mukel te aven transportuje e Roma ando England. Kas astaren ke kren kodo, o kapitano sas te pokinel 40 ponduri. E Roma astarde sas umblade.

1531. O Augsburg Reichstag chi kamel te keren pasaporturi e Romenge.

1536. E anglune zakonuri kontra e Romenge si nakhade ande Dnemarka.

1538. Astaren te deportujn e Romen anda Portugalo ke kolonii.

1539. O Frances I chi mukhel e Romen te beshen ando them. Kana astarel len dujto var ando them atunchi po trupo mukhel lenge urmi.

1540. Ande Skocija, e Romenge si lenge voja te trajn pala lenge zakonuri.

1541. Phenel pes pa Roma ke von astarde e jag ande Praga. Kade astarel pes te den pes avri e zakonuri kontra e Romenge. 

E anglune zakonuri kontra e Romenge si nakhade ande Skocija.

1547. O Eduard VI e Angliako del avri zakono ke e Roma te aven phabarde semnome “V” po kolin, thaj atunchi sahj te aven lile sar sklavuri pe duj bersh. Kana xastran thaj si bastarde sahj te aven kerde sklavuri pe intrego trajo.

O Andrew Boorde kerel jekh enciclopedia ando England savi bushol “The Fyrst Boke of the Introduction of Knowledge” .  Si les jekh kapitolo ande Romani chib, thaj kothe si jekh anda e maj purane specimenuri e chibake.

1549. E anglune zakonuri kontra e Romenge si nakhade ande Bohemia.

1554. Kana sas thagara o Philip thaj e Mary, jekh Akto si nakhado savo phenel ke sa e Roma te aven mudarde  thaj sa  kodola save si pala e kompania e “Egypteanongi”.

1557. E anglune zakonuri kontra e Romenge si nakhade ande Lithuania.

Kana o Sigismund Augustus sas thagar, e Varsavako Parlamento nakhavel o zakono ke sa e Roma te aven chudine avri anda them.

1559. E Roma si registrujme ande Finisisko insula Aland.

1560. O Archibishopo katar e Svedisko Luteranicko Kahngeri chi muken e rashajen te avel len chi sosko kontakto e Romenca. E Romenge chavore nas te aven bolde thaj lendo meripe te an avel praxome.

1560 thaj aver. E Spanisisko legislacija chi mukhel e Gitanon te phiren ande grupuri maj but sar duj. Chi mukhel eln te hureaven pes sar Gitanuri. Kana von phirenas ande gurpuri maj but sar duj dzene thaj kana hureavenas pes ande e Gitanicka gada adunchi sa e dzene save sas len maj but sar 14 bersha sas te dzan ande galeria pe 18 bersha. Kadi legislacija paruvel pes maj palal thaj kade aresle ke sa sas te aven mudarde thaj ke galeria bichalenas feri e Gitanon save chi maj phirenas.

1561.  O Charles IX e Francako chi mukhel e Romen te beshen ando them. Kana satrenas len chudenas len avri anda them. Dujto var kana astarenas len bichalenas len ke galeria thaj marenas len. Murshen, dzuvlen thaj chavoren chinenas lenge bala dzi ko chamb.

1562. Jekh Akto si nakhado ande England  karing e „vagabonduri save phenen peske Egyptianuri. Svako Rom savo arakhadilo ando England thaj Wales naj leske musaj te mukhel o them kana achavel pesko dzungalo trajo thaj kompanija. Sa e aver si te aven mudarde thaj si te xasaren sa peske phuva thaj bukia.