1562. Jekh Akto si nakhado ande England  karing e „vagabonduri save phenen peske Egyptianuri. Svako Rom savo arakhadilo ando England thaj Wales naj leske musaj te mukhel o them kana achavel pesko dzungalo trajo thaj kompanija. Sa e aver si te aven mudarde thaj si te xasaren sa peske phuva thaj bukia.

1563. O Trent Konsilo anda Roma phenel ke Roma chi birni te aven rasha.

1568. Poe Pius V del ordino ka sa e Roma te aven chudine avri anda o regiono katar e Romano Katolichno Khangeri.

1573. E Roma ande Skocija si te dzan avri anda them vaj te na maj phiren/te achaven o phiripe.

1578. Ko Parlamento katar e Varshava, o Thagar Stephen Bathory del avri zakono kontra e manushnge save len Romen pe lenge phuvia. Von sas konsiderime sar komplikuri.

1579. O Augustus, elektori e Saxonyako, del ordino ke te len pes sa e pasaporturi katar e Roma thaj chudel len avri anda Saxony.

E Roma si registrujme ande Wales.

Ando Portugal chi mukel len te hureaven pes ande Romane gada.

1580. E Roma si registrujme ando Finlando.

1586. E nomadichno Roma si te dzan avri anda Belarus.

1589. Ando Danemark, svako Roma savo chi mukel o them si mudardo.

1595. O Stefan Razvan, chavo katar e Romano sklavo thaj e slobodo dzuvli, aresel te avel o Sherutno e Moldovako ando Aprilo. Si dino rigate katar e zor star chona maj palal, thaj ando December sa kodo bersh si mudardo.

1596. 106 mursha thaj dzuvla sas te aven mudarde ando York feri anda kodo ke si Roma, ale feri 9 anda lende si mudarde. E aver sikaven ke arakhadile ando England

Ando 17to shel bersh.  E Spaniaki legislacija kerel pes maj nasul, thaj kade chi mukel e Romen te kinen-bikinen grasten. Pala zakono, slobodo sas e themutnenge te keren ketani te len pes pala e Roma.

1606. O Henry IV ande Franca chi mukel e Romen te kiden pes ande jekh grup amja but sar trin vaj star dzene. E Roma si lenge sar “vagabonduri thaj e bengeske manusha”.

1611. E Spaniaki legislacija del ordino ke sa e Romenge bukia te aven phangle e phuviatar.

1619. O Philip III del ordino ka sa e Roma te aven shudine avri anda them ande shov shona vaj te dzan te beshen ande forra kaj si maj but sar 1000 manusha. Naj lenge voja te hureaven pes ande Romane gada, te den duma e Romani chib. Kon chi kerela kodo si te avel mudardo.

1637. E anglune zakonuri kontra e Romenge si nakhade ando Svedo. Sa e Roma anda Svedo si te aven shudine avri anda them ande jekh bersh. Kana avena pala kado bersh inke Roma ando them, e mursha avena umblade thaj e dzuvla thaj e chavore aven chudine avri anda them.

1646. Nakhadilas ande Berne jekh ordinanza savi delas pravo sakone manusheske te mudarel svakone Romes.

1647.O Louis XIV e Francako phenel ke e Roma si “Bohemianuri” thaj anda kodo bichalen len ke galeria.