2.5.5
1714 - 1745
   




1714. E themutne anda Britanna save kinenas-bikinenas mukhen lil ko Baro Konsilo ke te shaj len e Romen ande Karaibe te aven lenge sklavuri.

Ando Mainz, sa e Roma si te aven mudarde bikrisako feri anda kodo ke lengo trajo naj pala e zakonuri e gadzenge
Grupi Romane muzikantonge si registrujme ke phiren ande Austro-Ungro Bar ke Esterhaza.
Von gilaben e soldatonge te khelen Verbunkos , kana o Nicolas zumavelas te kerel peske militarichne operacii.

1715. Desh Roma anda Skocija si registrujme ke sas deportime ande Virginia ande Amerika.

1717. 41 forura ande Spania si phende ke si thana kaj beshen e Roma.

1719 thaj aver bersha. Ande Franca, chi maj bichalenas e Romen ke galeria feri ke deportinas len ande Francuzicka kolonii.

1721. O Thagar Karl IV katar o Austro-Ungro Thagaripe del ordino ke te mudaren pes sa e Roma save si ande lesko regiono.

1723. E Romenge naj voja te beshen ando regiono  katar o Larraine, te kiden pes ande vesha vaj te traden pe bare droma. Kana astarenas len bichalenas len avri anda them. E gadzenge voja sas lenge te kiden pes khetane thaj te mudaren e Romen.

1724. Ando Francuzo, o Louis XV chi mukhel e vagabondon te beshen ando them thaj chi mukhel eln te phiren vaj te kiden pes ande jekh kher maj but sar star bare manusha. E mursha si bichalde ke galeria pe pandz bersh. Sa e aver si bichalde ande le chorenge khera.

1725. O Frederick William I phenel ka svako Roma maj phuro sar 18 bershengo kaj astaren les ande lesko regiono si te avel mudardo bikrisako.

1726. E Romenge ande Spania naj lenge voj te dzan maj dur ande kris pala so das pes jekh sentina.

O Charles VI nakhavel jekh zakono ke svako Roma savo resel pes ande lesko them si te avel mudardo po than. E Romaniange tha lenge chavorenge si te chinen pes lenge kana thaj si te aven chudine avri anda them, varekon ingiarela len dzi ke granica.

1727. O Berne decreto no. 13 phenel ka e Romenge kaj lenge voja te beshen. “Roma thaj Romania save si phureder sar 15e bershenge si te chinen pes lenge po jekh kan kana si bastarde e angluni var… ale kana satarena len dujto var atunchi mudarena len.”

1728. O Konsilo e forosko Aachen nakhavel jekh ordinanza pala savi si te mudaren savore Romen.  “E astarde Romen, te kamen vaj na, si te aven mudarde. Sa jekh, kodola save naj kontra kana astaren len si te muken len na maj but sar jekh dopash chaso te beshen ande changa thaj te rugin pes e Devlestar  te jertin lenge thaj te keren pes gata  te meren.”

1733. E Thagarni Anna Ioannovna anda Rusia del avri decreto ke e Romenge naj voja te phiren thaj si te ashadon te aven sklavuri e themeske.

1734. O Frederick William I del decreto ke sa e Roma, mursh vaj dzuvli, si te aven umblade bikrisako. Te astaren len e manusha si te aven pokinde.

1740. O maj baro mashkar e manusha save keren buki e sastresa ando Miskolc ando Ungro kade kerdas ke las ordino katar e bare raj ke e Romenge naj voja te keren buki e sastresa avrial anda lenge cera.

O Charles VI del avri zakono ke e manushenge naj lenge voja te dzutin e Romen.

1745. E Roma ande Spania si te achaven o phiripe thaj si te dzan te beshen ande kodola forra savesas phende ande duj kurke. Kon chi dzal te beshel kothe ande duj kurke si te avel mudardo. “ Si legalno te shaj aven mudarde.” E kahngeria chi maj del lenge azilo.

Ketani beshen ande gava te len sama.