2.5.9
1885 - 1906
   




1885-95. Zumadas pes ando Parlamento katar England te paruvel pes e Romeno trajo ale chi birisarde.

1886. O Kancelaro von Bismarck bichalel jekh direktiva ke sa e guvernuri anda sa e regionuri e Niamcoske te alertil len ke “ e manusha roven pes anda e Romenge grupi save traden ando intrigo Reich, thaj ke molestin e gadzen,”  thaj phenel inke pashe ke e Roma save naj anda Niamco si te lel pes specialno sama pe lende.  Kade kerdas pes maj but regionalne centauri e haladenge save te len pes sama te deportujn sa e Romen so naj anda Niamco

Ande Bulgaria e Romenge naj lenge voja te phiren.

1889. Kerdas pes jekh grupa savi sas aver sar e Roma vaj Travellers.

1890. O Schwabisko Parlamento organizujl jekh konferinca pala e “Roma  “ thaj kothe del pes e sugestia ke kana e Roma ande jekh gav aresen, ande kodo gav si te maren pes e klopoti ke khangeri thaj kade vi e aver gava shunen. E ketani si te dzan pala e Roma thaj te shuden len avri anda gav.

1899. Ando Munich vazdel pes jekh informacijaki agenzia, O Centralno ofiso kontra e vicaki e Romengi thaj o sherutno sas o Alfred Dillmann, thaj lengi buki sas te kiden informacii pa Roma ferikaj von phirenas ande thema thaj te registrujl sako Romes savo sas maj but sar shove bershengo. Kado sas ke sas te keren lenge foto, sas te len lenge naja thaj aver genealogichno dati thaj maj but sas te len informacii pala “kriminaliteto”. Kado ingiarel ke duj iniciativi: O Lil pa Roma (ramome katar o Dilmann ando 1905 bersh) thaj e konferinca anda 1911to bersh. Kadi agencija chi phandavel pes oficialne dzi ando 1970to bersh.

1904. O Prusicko Landtag adoptil jekh proposalo ke te regulin e Romeno phiripe thaj lengo trajo.

1905. O lil pa Roma katar o Alferd Dillamnn aresel vi ando Niamco. O lil si kerdo anda trin riga: jekh introdukcija savi phenel sostar si te kontrolujn pes e Roma, jekh registro 310 riga pa maj but sar 5000 Roma, thaj kothe sas anav, kaj arakhadilas thaj kana, genealogia (kasko shavoro etc) savo koloro si les, kriminalno registracija thaj kade maj dur, thaj maj palal jekh foto kolekcija e Romengi thaj Sintongi, foto lile anda e haladenge akti. Ande introdukcija phenel ke e niamcon si len jekh “plaga”, e Roma, ke von si nalashe/sar nasfalimo  thaj ke e manusha si te hastran kodolestar” kana si musaj. Kodo so o Dillmann phendas ke e hamime Roma thaj e parne manusha si e maj bilache thaj ke maj but anda Roma si kade, inklel avi ande Zakonuri katar Nurenberg ando 1935to bersh. Kadala rasistichno phenimata suportil o lil katar o Dillmann kana phenel ke e Romen si len genetichno kriminalno phiravipe.

Ande konferencija ande Sofia, Bulgaria, mangel pes o chachimo ke vi e Roma shaj te votin.

1906. Ando 17to Februar, o Ministero pala interne bukia e Prusiako del avri direktiva savi busholas “Kontra e Romengi vica” ande savi ramol e akroduri avere themenca  ke te shuden e Romen avri anda them: Austro Ungar Thagaripe, Belgia, Danemarko, Franca, Italia, Luxemburg, Holando, Rusia thaj Sveic. E haladenge voja sas lenge te persekutil e Romen kana chi lenas pes pala zakono, thaj kodo sas kana: astarenas e jag ande vesha, kana astarenas mashen bililengo, kana ashavenas peske vurdona ilegalno thaj kade maj dur. Chi muken e chavoren te dzan ande shkoli temporarno kana lenge dada phirenas ande jekh regiono.

E Prusia anel avri “ E Romane lila”m kana mangenas te beshen kothe. Kodo del pes feri kodole Romenge saven si jekh kher/permanento beshen varekaj, nas len bare problemuri e haladenca, bichalen peske chavoren ande shkola thaj pokinen e themeske taksi. Kodola save kalifikinas pes nas lenge voja te ashen kothe pe lungo vrama.